24 апреля 2023, 12:22
Быд во 3-öд четвертьын Изьва шöр школаын мунö коми кывлы сиöм декада. Со и таво челядь бара жö окотапырысь пырöдчисны мероприятиеясö. Колö шуны, мый öнiя кадö велöдысьяслöн мог – вöзйыны сэтшöм уджъяс, медым челядь асьныс мырдтöг пырöдчисны мероприятиеясас, медым уджъясыс вöлiны öнiя кадлы лöсяланаöсь да интереснöйöсь. Казьтыштам öткымынöс.
Пуктыны телепонö коми рингтон вöзъям челядьлы ог нин öти во. Медсясö ныв-зонлöн артмö пуктыны «Маръямоль» сьыланкыв. Кыдзи гöгöрвоны, кодi пырöдчис тайö уджас, а кодi эз? Урок водзвылын велöдысь либö кодкö велöдчысьяс пиысь звонитöны коми рингтон пуктысь мортыслы, и ставöн тшöтш кывзам телепонын юргысь мича коми сьыланкывсö. Та бöрын öттшöтш сёрнитам сьыланкывлöн вежöртас йылысь.
Нöшта таво вöзйим челядьлы бумагысь вöчöм сьöлöмъяс вылын гижны ассьыныс мöвпъяснысö коми кыв йылысь. Кодкö гижис: «Ме радейта коми кыв». Мöдъяс гижисны: «Ме пыдди пукта коми кыв». Мукöдъяслöн мöвпъясын: «Ме коми морт. Ме сёрнита комиöн». Тайö гижöдъяссö вежон чöж позис аддзыны школа коридорын оформитöм стенд вылысь. Любö вöлi лыддьыны тайö кывъяссö не сöмын коми кыв велöдысьяслы, но и став коми кывъя мортыслы. А бöрыннас тайö акцияö пырöдчысь челядьлы вöчим сюрприз: перемена вылын кыским жребий да 30 медся шуда велöдчысьыслы козьналiм юмовторъяс.
Декада дырйи тöд вылö уськöдiм челядьлы и сiйöс, мый 2023-öд воыс Россияын сиöма велöдысьлы да наставниклы. Такöд йитöдын вöзйим челядьлы гижны радейтана велöдысьлы бур кывъяс. Сочинениеыс лоис уна, пöшти став велöдысьыслы вöлi сиöма сьöлöмö йиджана гижöд. Юксьыштам сöмын öткымын сочинениеысь юкöнъясöн:
Сметанина Дарья, 10 а класс: «Миян школаын уджалöны высококвалифицированнöй специалистъяс. Велöдысь воын ме мöда висьтавны зэв ыджыд аттьö быд велöдысьлы. Быд велöдысь сетö ассьыс сьöлöмсö быд велöдчысьлы, туйдöдö веськыд нырвизьö, отсасьö. Аттьö гöгöрвоöмысь да отсалöмысь! Тi сетанныд миянлы тöдöмлунъяс, кодъяс ковмасны олöмын. Тi – миян бур сьöлöма спасительяс.»
Иванчиков Никита, 6 в класс: «Ме тöда зэв бур велöдысьöс. Сiйöс шуöны Ульяна Витальевна. Сiйö велöдö роч кыв да литература. Ульяна Витальевна велöдö грамотнöя гижны да мичаа сёрнитны. Сы урок вылын он дажö казявлы, кыдзи кольö кадыс.»
Чупрова София, 5 в класс: «Менам радейтана велöдысь - Анна Николаевна. Сiйö зэв бур велöдысь. Велöдö роч кыв да литература. Анна Николаевна зэв мелi, ме радейта сылысь урокъяссö.»
Артеева Анастасия, 10 б класс: «Менам радейтана велöдысь - Григорий Георгиевич. Тi зэв бур наставник. Ме зэв рад, мый именнö Тi вöлiнныд менам классöн веськöдлысьöн. Тiянкöд сёрнитiгöн ме гöгöрвои, мый колö нырччыны бурланьö да некод вылö абу видзöдны. Зэв ыджыд аттьö, мый сетiнныд бур сöветъяс. Ме сиа Тiянлы дзоньвидзалун да став бурсö!»
Семяшкин Кирилл, 7 в класс: «Ласькова Альбина Александровна зэв мелi да шань морт, сiйӧ кужӧмӧн сетӧ выль пӧлӧс темаяс. Ме быд урок вылӧ муна радпырысь»
Семяшкина Кристина, 7 в класс: «Евгения Юрьевна пыдди пуктӧ миянӧс кыдз велӧдчысьясӧс. Ме радейта кывзыны сылысь тема восьтӧмсӧ да сылысь видзӧдласъяссӧ»
Филиппова Алина, 8 а класс: «Филиппова Анна Михайловналӧн бур сьӧлӧмыс, сiйӧ мелi, рам да кывкутысь. Сiйӧ радейтӧ вурсьыны да ассьыс 8а классӧ»
Канев Вадим, 8 в класс: «Ме радейта став велӧдысьсӧ, но ӧтик велӧдысь медся бур. Галина Юрьевна век отсалас сьӧкыд ситуацияын»
Ярцева Софья, 8 а класс: «Полина Ильинична авъя, вежӧра, сюсь, бур сьӧлӧма. Сiйӧ любитӧ велӧдчысьясӧс, ассьыс уджсӧ да йӧктыны».
Филиппова Инга, 8 б класс: «Красивский Иван Иванович повтӧм, зэв тӧждысьысь. Вермас кӧртавны шнуркитӧ, он кӧ вермы ачыд»
Сочинениеясысь кындзи унаöн нöшта и серпасалiсны ассьыныс радейтана велöдысьнысö.
Воддза воясö декада дырйи век вöзйылiм челядьлы пырöдчыны кывбур лыддьысьяслöн конкурсö, кор челядьлы колö вöлi наизусть велöдны кывбур да висьтавны. Таво конкурссö сiдзжö котыртлiм, но неуна вежим да нимтiм «Выразительнöя лыддьысям» конкурсöн. Чукöртчöмыс вöлi школаса лыддьысянiнын, кöнi юргисны мича коми кывъя кывбура да прозаа текстъяс. Челядь зэв бура вöлiны дасьтысьöмаöсь. Найö лыддисны гижысь-юбиляръяслысь: Иван Тороповлысь, Виктор Савинлысь да Серафим Поповлысь кывбуръяс да висьтъяс. 5-7 класса велöдчысьяс костын вермысьöн лоис 7 «б» класса велöдчысь Терентьева Екатерина, кодi лыддис Иван Тороповлöн «Тян» повесьтысь юкöн. Мöд места босьтiс Канева Зинаида, 7 «а» классын велöдчысь. Сiйö лыддис Виктор Савинлöн «Домна Каликова» висьтысь юкöн. Коймöд места вылын лоисны Семяшкина Кристина, 7 «в» класс, кодi лыддис Серафим Поповлысь «Асыв» кывбур» да Терентьева Ксения, 5 «а» класс – Иван Торопов «Тöвнас лоö шоныд» висьтысь юкöн. 8-11 класса велöдчысьяс местаяссö юкисны тадзи:
1 места – 10 «а» классын велöдчысь Канева Милена, лыддис Виктор Савинлысь «Домна Каликова» висьтысь юкöн.
2 места – 9 «а» классын велöдчысь Вокуева Ольга, лыддис Иван Тороповлысь «Митя да Маша» повесьтысь юкöн.
3 места – 11 «а» класса велöдчысьяс Филиппова Снежана да Вагнер Ксения. Снежана лыддис Иван Тороповлысь «Сьöлöмысь петöм кывбуръяс» гижöдысь юкöн, а Ксения – Серафим Поповлысь «Коктöм морт» кывбур.
Сiдзжö декада дырйи классъясын нуöдiм ворсöмъяс да викторинаяс.
Сьöлöм вылын долыд, мый миян Изьва школаын сы мыйта енбиа челядь! Окота шуны зэв ыджыд аттьö ставлы, кодъяс сьöлöмсянь пырöдчисны вöзйöм уджъясö, сöстöм коми кывйöн лыддьысисны да гижисны, и налы, кодъяс урок костъясын прöста матыстчылiсны декадалы сиöм стенд дорö да бура донъялiсны мукöд челядьöн вöчöм уджъяссö.
Нöшта таво вöзйим челядьлы бумагысь вöчöм сьöлöмъяс вылын гижны ассьыныс мöвпъяснысö коми кыв йылысь. Кодкö гижис: «Ме радейта коми кыв». Мöдъяс гижисны: «Ме пыдди пукта коми кыв». Мукöдъяслöн мöвпъясын: «Ме коми морт. Ме сёрнита комиöн». Тайö гижöдъяссö вежон чöж позис аддзыны школа коридорын оформитöм стенд вылысь. Любö вöлi лыддьыны тайö кывъяссö не сöмын коми кыв велöдысьяслы, но и став коми кывъя мортыслы. А бöрыннас тайö акцияö пырöдчысь челядьлы вöчим сюрприз: перемена вылын кыским жребий да 30 медся шуда велöдчысьыслы козьналiм юмовторъяс.
Декада дырйи тöд вылö уськöдiм челядьлы и сiйöс, мый 2023-öд воыс Россияын сиöма велöдысьлы да наставниклы. Такöд йитöдын вöзйим челядьлы гижны радейтана велöдысьлы бур кывъяс. Сочинениеыс лоис уна, пöшти став велöдысьыслы вöлi сиöма сьöлöмö йиджана гижöд. Юксьыштам сöмын öткымын сочинениеысь юкöнъясöн:
Сметанина Дарья, 10 а класс: «Миян школаын уджалöны высококвалифицированнöй специалистъяс. Велöдысь воын ме мöда висьтавны зэв ыджыд аттьö быд велöдысьлы. Быд велöдысь сетö ассьыс сьöлöмсö быд велöдчысьлы, туйдöдö веськыд нырвизьö, отсасьö. Аттьö гöгöрвоöмысь да отсалöмысь! Тi сетанныд миянлы тöдöмлунъяс, кодъяс ковмасны олöмын. Тi – миян бур сьöлöма спасительяс.»
Иванчиков Никита, 6 в класс: «Ме тöда зэв бур велöдысьöс. Сiйöс шуöны Ульяна Витальевна. Сiйö велöдö роч кыв да литература. Ульяна Витальевна велöдö грамотнöя гижны да мичаа сёрнитны. Сы урок вылын он дажö казявлы, кыдзи кольö кадыс.»
Чупрова София, 5 в класс: «Менам радейтана велöдысь - Анна Николаевна. Сiйö зэв бур велöдысь. Велöдö роч кыв да литература. Анна Николаевна зэв мелi, ме радейта сылысь урокъяссö.»
Артеева Анастасия, 10 б класс: «Менам радейтана велöдысь - Григорий Георгиевич. Тi зэв бур наставник. Ме зэв рад, мый именнö Тi вöлiнныд менам классöн веськöдлысьöн. Тiянкöд сёрнитiгöн ме гöгöрвои, мый колö нырччыны бурланьö да некод вылö абу видзöдны. Зэв ыджыд аттьö, мый сетiнныд бур сöветъяс. Ме сиа Тiянлы дзоньвидзалун да став бурсö!»
Семяшкин Кирилл, 7 в класс: «Ласькова Альбина Александровна зэв мелi да шань морт, сiйӧ кужӧмӧн сетӧ выль пӧлӧс темаяс. Ме быд урок вылӧ муна радпырысь»
Семяшкина Кристина, 7 в класс: «Евгения Юрьевна пыдди пуктӧ миянӧс кыдз велӧдчысьясӧс. Ме радейта кывзыны сылысь тема восьтӧмсӧ да сылысь видзӧдласъяссӧ»
Филиппова Алина, 8 а класс: «Филиппова Анна Михайловналӧн бур сьӧлӧмыс, сiйӧ мелi, рам да кывкутысь. Сiйӧ радейтӧ вурсьыны да ассьыс 8а классӧ»
Канев Вадим, 8 в класс: «Ме радейта став велӧдысьсӧ, но ӧтик велӧдысь медся бур. Галина Юрьевна век отсалас сьӧкыд ситуацияын»
Ярцева Софья, 8 а класс: «Полина Ильинична авъя, вежӧра, сюсь, бур сьӧлӧма. Сiйӧ любитӧ велӧдчысьясӧс, ассьыс уджсӧ да йӧктыны».
Филиппова Инга, 8 б класс: «Красивский Иван Иванович повтӧм, зэв тӧждысьысь. Вермас кӧртавны шнуркитӧ, он кӧ вермы ачыд»
Сочинениеясысь кындзи унаöн нöшта и серпасалiсны ассьыныс радейтана велöдысьнысö.
Воддза воясö декада дырйи век вöзйылiм челядьлы пырöдчыны кывбур лыддьысьяслöн конкурсö, кор челядьлы колö вöлi наизусть велöдны кывбур да висьтавны. Таво конкурссö сiдзжö котыртлiм, но неуна вежим да нимтiм «Выразительнöя лыддьысям» конкурсöн. Чукöртчöмыс вöлi школаса лыддьысянiнын, кöнi юргисны мича коми кывъя кывбура да прозаа текстъяс. Челядь зэв бура вöлiны дасьтысьöмаöсь. Найö лыддисны гижысь-юбиляръяслысь: Иван Тороповлысь, Виктор Савинлысь да Серафим Поповлысь кывбуръяс да висьтъяс. 5-7 класса велöдчысьяс костын вермысьöн лоис 7 «б» класса велöдчысь Терентьева Екатерина, кодi лыддис Иван Тороповлöн «Тян» повесьтысь юкöн. Мöд места босьтiс Канева Зинаида, 7 «а» классын велöдчысь. Сiйö лыддис Виктор Савинлöн «Домна Каликова» висьтысь юкöн. Коймöд места вылын лоисны Семяшкина Кристина, 7 «в» класс, кодi лыддис Серафим Поповлысь «Асыв» кывбур» да Терентьева Ксения, 5 «а» класс – Иван Торопов «Тöвнас лоö шоныд» висьтысь юкöн. 8-11 класса велöдчысьяс местаяссö юкисны тадзи:
1 места – 10 «а» классын велöдчысь Канева Милена, лыддис Виктор Савинлысь «Домна Каликова» висьтысь юкöн.
2 места – 9 «а» классын велöдчысь Вокуева Ольга, лыддис Иван Тороповлысь «Митя да Маша» повесьтысь юкöн.
3 места – 11 «а» класса велöдчысьяс Филиппова Снежана да Вагнер Ксения. Снежана лыддис Иван Тороповлысь «Сьöлöмысь петöм кывбуръяс» гижöдысь юкöн, а Ксения – Серафим Поповлысь «Коктöм морт» кывбур.
Сiдзжö декада дырйи классъясын нуöдiм ворсöмъяс да викторинаяс.
Сьöлöм вылын долыд, мый миян Изьва школаын сы мыйта енбиа челядь! Окота шуны зэв ыджыд аттьö ставлы, кодъяс сьöлöмсянь пырöдчисны вöзйöм уджъясö, сöстöм коми кывйöн лыддьысисны да гижисны, и налы, кодъяс урок костъясын прöста матыстчылiсны декадалы сиöм стенд дорö да бура донъялiсны мукöд челядьöн вöчöм уджъяссö.
Фотографии
